د امريکا د دفاع وزير کابل ته ورسېد
۱۳۸۵ دی ۲۶, سهشنبه
اعلان
دا په لومړي ځل دی چې گيتس افغانستان ته سفر کوي. په بروکسل کې يې د ناتو په مرکز کې د افغانستان د وضعې په اړه اندېښنه ښکاره کړې وه. د ده په وينا »داسې نښې نښانې شته چې طالبان غواړي سږ کال خپلو بريدونو ته زور ورکړي« او د دې مخنيوی بايد وشي. گيتس په دې اړه وويل: »په افغانستان کې برياليتوب زموږ تر ټولو مهمه دنده ده.« گيتس زياته کړه چې سربېره پر دې بايد د هېواد د بيارغونې په برخه کې هم هلې ځلې زياتې شي.