1. Прескокни до содржината
  2. Прескокни до главната навигација
  3. Кон други страници на DW

Џо Бајден почна со екипирање на својот тим

ЖА /ДВ
12 ноември 2020

Избраниот претседател на САД, Џо Бајден го назначи својот долгогодишен соработник Рон Клеин за шеф на неговиот кабинет во Белата куќа.

https://p.dw.com/p/3lAww
Archivbild | USA Ron Klain und Joe Biden
Фотографија: Mark Wilson/AFP/Getty Images

Џо Бајден ја донесе својата прва одлука околу составот на својот иден владин тим. Избраниот претседател на САД за шеф на својот кабинет го одбра Рон Клеин.

Клеин со години ми беше советник со непроценливо значење, неговите темелни и сестрани искуства и способноста за соработка со луѓе од целиот политички спектар се токму карактеристиките кои се потребни за шеф на кабинетот во Белата куќа во сегашната кризна ситуација, образложи Бајден.

Двајцата веќе соработуваа во Белата куќа во времето кога Бајден беше потпретседател за време на мандатот на Барак Обама: денес 59-годишниот Клеин беше шеф на кабинетот на Бајден во периодот меѓу 2009 и 2011 година. Тој работел за Бајден и порано, кога демократот беше сенатор и кога во 1988 и 2008 година се кандидираше за претседателска номинација.

Повеќе на темата:

Мнозинството Американци немаат дилема кој е идниот претседател

Избори во САД: (не)признаен пораз

Џо Бајден: Нов претседател, но не и победник над омразата

Во 2014 година Клеин беше назначен од Обама за координатор на мерките на американската влада против епидемијата на ебола. За време на пандемијата на коронавирус оваа година Клеин се истакна како остар критичар на американскиот претседател Доналд Трамп.

Големо внимание предизвика видеото во кое тој објаснува што сѐ поинаку би направила влада на Бајден во пандемијата и кои се нејзините планови за менаџирање на кризата. Борбата против коронавирусот Бајден ја вброи во своите тежишни задачи, а Клеин притоа ќе има клучна улога.

Шефот на кабинетот припаѓа на владата, но за разлика од министрите, не мора да биде потврден од Сенатот во Вашингтон. Тој контролира кој добива пристап до претседателот, се грижи за термините и го регулира протокот на информации. Во негова надлежност се и преговори со Конгресот. Доналд Трамп во повеќе наврати го менуваше шефот на својот кабинет, Марк Мидоус е веќе четврти по ред на функцијата.