Јапонската „љубов“ кон китовите

Јапонија го обнови контроверзниот комерцијален лов на китови. На почетокот на неделата, и покрај острите меѓународни протести, неколку бродови отпловија на првиот комерцијален лов на китови по повеќе од 30 години. Имено, заштитниците на природата велат дека ловот на китови е сурова и застарена практика. Но, јапонските заедници за лов на китови го прославија овој потег, велејќи дека тоа е дел од нивната традиција: „Тоа што можам да бидам тука и да ги испратам комерцијалните бродови на лов за првпат во 31 година, е нешто што сметам дека е многу емотивно за оние кои работат за продолжување на овие ловови и среќен сум од длабочината на моето срце“, рече на свечената церемонија Шигето Хасе, директор на Агенцијата за риболов на Јапонија.

Погледнете го видеото на оваа тема:

Во Јапонија од 1988 година беше забранет комерцијалните лов на големи китови, со одлука  на Меѓународната комисија за лов на китови (ИВЦ) во 1988 година. Тоа предизвика и соодветно намалување на интересот за месо од кит - дотогаш омилен деликатес на Јапонците - на пазарите. 

Но земјата ја напушти ИВЦ пред шест месеци за да продолжи со ловот, со образложение дека само мал број видови китови се загрозени.

Јапонската агенција за рибарство годинава одреди квота за лов на 227 посебни видови китови.