1. Прескокни до содржината
  2. Прескокни до главната навигација
  3. Кон други страници на DW
Катастрофи

Четири жртви во силната експлозија во Лестер

СН/ агенции
26 февруари 2018

Експлозија го потресе градот во централна Англија. Една зграда се урна а пламените јазици голтаа сѐ пред себе. Тероризам е исклучен, барем засега.

https://p.dw.com/p/2tKI0
Großbritannien Explosion in Leicester
Фотографија: picture-alliance/AP Photo/Gem News

Во силната експлозија во централно-англискиот град Лестер вчеравечер загинаа најмалку четири лица. Оваа утрината го соопшти полицијата. Четири повредени лици и натаму се наоѓаат во болница, а едно од нив претрпело исклучително тешки повреди. Експлозијата се случи на улица со деловни и станбени објекти во близина на центарот на Лестер. не се исклучува можноста дека под урнатините на зградите, кои се настрадаа во експлозијата, се наоѓаат и други жртви.

Според информации од противпожарните служби кратко по 19 часот тие добиле неколку пријави за многу силна експлозија и за пожар предизвикан од неа. Фотографиите и видеата на интернет покажуваат како годи една двокатна зграда но и урнатини на улицата. Пожарникарите известуваат дека објектот се урнал како „куќа од карти“. Околните згради како мерка на претпазливост бие евакуирани. Во приземјето на урнатата зграда се наоѓала мал полски супермаркет.

Panorama von Leicester
Фотографија: imago/Loop Images

Полицијата говори за „тежок инцидент“ и го повика населението и натаму да го избегнува погоденото подрачје. Сите спасувачки екипи во британскиот град се ангажирани на местото на инцидентот. Причините за него и натаму се непознати. Терористичка заднина засега, меѓутоа, се исклучува.

Читајте нѐ и преку апликацијата на ДВ за андроид