Харадинај за ДВ: „Играта со граници на Балкан е опасна“

Во интервјуто водено на српски јазик, косовскиот премиер Рамуш Харадинај на прашањето дали е можна поделба на Косово, која отворено ја предлагаат и некои политичари од Србија, изјави: „Играта со граници на Балкан е опасна, кој и да си игра со нив. Не верувам дека се тоа сериозни приказни и не сакам било кога да зборувам за тоа, зашто знаеме што ќе се случи ако си играме со тоа“, додавајќи: „Ќе следат трагедии на какви уште се сеќаваме и не е паметно да зборуваме за тоа, многу е опасно.“

Народот на Косово очекува, на крајот на дијалогот Белград-Приштина, Србија да ја признае независноста на Косово, вели во ексклузивното интервју за Дојче веле косовскиот премиер: „За нас дијалогот само така има смисол“.