1. Прескокни до содржината
  2. Прескокни до главната навигација
  3. Кон други страници на DW

Францускиот парламент е за продолжување на Ковид-пасошот

Рајнхард Клебер
21 октомври 2021

Ковид-пасошот првично требаше да важи до 15 ноември, но сега е одлучено да трае до јули 2022 година. Дебатата во францускиот парламент околу ова прашање беше жестока.

https://p.dw.com/p/41xYQ
Frankreich Paris | Pass Sanitaire auf Smartphone
Фотографија: Lafargue Raphael/ABACA/picture alliance

Францускиот парламент донесе одлука со тесно мнозинство. За предлог законот на владата во текот на изминатата ноќ гласааа 135 пратеници, додека 125 беа против.

Здравствениот пасош е обврска за присуство на многу манифестации и на многу јавни места во Франција. Со него се докажува целосна вакцинираност против коронавирус, негативен корона-тест или тоа дека лицето е оздравено од Ковид. Правилото, кое сега е во сила, требаше да истече на 15 ноември. Промената на законот ѝ дава можност на владата да ја задржи обврската за покажување на документот, или да ја воведе повторно. За предлог законот согласност треба да даде и Сенатот.

Повеќе:

Италија: Без „зелен пасош“ нема работа

Со Ковид-пасош до големата слобода, но како?

Продолжението на траењето на Ковид-пасошот е спорно. Пратениците дебатираа жестоко два дена. Во предлог законот од владата е предвидено зголемување на казните за фалсификувани здравствени пасоши, како затворски казни во траење до пет години и 75.000 евра.

Frankreich Paris | Menschen in Paris
Здравствениот пасош е обврска за присуство на многу манифестации и на многу јавни места во ФранцијаФотографија: Juergen Biniasch/Eibner-Pressefoto/picture alliance

Француски граѓани редовно излегуваат на демонстрации во знак на протест против здравствениот пасош и други корона-мерки во земјата. Ситуацијата со пандемијата во Франција во последно време повторно бележи благо влошување. Досега се целосно вакцинирани речиси 74% од населението.