1. Прескокни до содржината
  2. Прескокни до главната навигација
  3. Кон други страници на DW
Катастрофи

Силен земјотрес во Пакистан со десетици жртви

ЖА / агенции
7 октомври 2021

Во првите извештаи се јавува за најмалку 20 загинати и преку 300 повредени луѓе. Посебно погодена е провинцијата Балуџистан, на границата со Иран.

https://p.dw.com/p/41NBa
Erdbeben in Pakistan | Zerstörtes Haus in Harnai
Фотографија: AP/picture alliance

Силен земјотрес од 5,7 степени според Рихтер го потресол планинскиот дел од југозападен Пакистан, во кој се наоѓаат повеќе рудници за јаглен. Локалните власти јавуваат за најмалку 20 жртви и преку 300 повредени. Несреќата се случила рано утрово, кога бројни рудари веќе работеле во рудниците.

Според наводите на Министерството за внатрешни работи на провинцијата Балуџистан, епицентарот на земјотресот се наоѓа на околу 14 километри североисточно од посебно тешко погодената општина Харнаи, а бил на околу 20 километри под земјината површина.

Erdbeben in Pakistan | Menschen vor einem Krankenhaus
Повредените во земјотресот се пренесуваат во болнициФотографија: QuettaVoice.com/Social Media/REUTERS

Бројни луѓе, информира Службата за заштита од катастрофи, се наоѓаат под урнатините од објектите. Многу од куќите во сиромашниот регион се изградени од глина. Во Харнаи се испратени спасувачки екипи и војници. Работите на спасување на луѓето и расчистување на урнатините се отежнати поради прекинот на струјата во големи делови на Балуџистан.