Фотографија на денот: Поштарот доаѓа преку море

63-годишниот Кнуд Кнудсен е поштар на островот Пелворм во Северното Море, во германската покраина Шлезвиг-Холштајн. Два до три пати неделно тој носи пошта и пратки и на блискиот остров Халиг Зудерог, природен резерват, каде живеат двајца луѓе. Шесте километри тој ги поминува пеш, за време на осеката на крајбрежниот појас, т.н. Ватенмер. Притоа користи компас, а за секој случај со себе носи и мобилен телефон, ништо друго. За две години Кнудсен ќе замине во пензија, но вели дека ќе продолжи да ја носи поштата на Халиг Зудерог - волонтерски, зашто ужива за време на прошетката низ плиткото море.