Папата планира да земе со себе 50 мигранти од Кипар

Во малата црква на Светиот крст треба да се случи голем момент од посетата на папата Франциско на Кипар. Црквата која се наоѓа среде граничната линија помеѓу турскиот и грчкиот дел на Кипар, денеска треба да биде место каде папата ќе се сретне со мигранти. На оваа фотографија, чесни сестри го чистат патот пред црквата каде папата треба да одржи екуменска молитва за мигрантите.

Темата бегалци му е многу важна на поглаварот на Римокатоличката црква. Кипарскиот претседател Никос Анстасијадис објави дека папата сака со себе за Рим да одведе 50 мигранти. Но, Ватикан сѐ уште молчи околу ова. Засега нема ниту детали за логистичкиот тек на ваква една акција.

Кипар е земја која споредбено со бројот на жители прима најголем број мигранти во ЕУ. Во Кипар речиси секојдневно пристигнуваатчамци со мигранти од Турција и Блискиот Исток.