Откриен најголемиот леден брег во светот

Неговата површина е поголема од островот Мајорка, изнесува околу 4320 квадратни километри. Светската вселенска организација ЕСА со седиште во Париз го открила колосот преку сателитски снимки. Огромната санта мраз носи ознака А-76 и се наоѓа  на западната страна на ледената површина во Веделовото Море во северозападниот Антарктик.

Досега за најголем леден брег важеше оној со ознака А-32А со површина од 3880 квадратни километри.

Имињата на ледените брегови традиционално се даваат од првата буква на областа во Антарктикот во која првпат се забележени.

Отцепувањето делови од големата ледена континентална површина е природно, но научниците во последните децении забележале дека е сѐ позачестено. Феноменот, според американските научници веројатно се должи на промената на климата