Остров на спасот среде црните реки од лава
22 септември 2021Куќата на оваа #ФотографијаНаДенот се наоѓа во местото Ла Манчас во Ла Палма, кое се најде на патот на незапирливите реки на вжештена лава по ерупцијата на вулканот Кумбре Вијеха.
Тие досега уништија бројни имоти на голема површина како и стотици објекти меѓу нив и околу 60 приватни домови, но за среќа, како што јавуваат светските новински агенции оваа куќа барем засега ја избегнала таа судбина и останала недопрена од лавата со температура од околу 1000 Целзиусови степени.
Инаку лавата се движи кон морето и предизвикува стравувања дека ќе генерира облаци од токсични гасови кога ќе стигне до водата.
Во меѓувреме продолжува евакуацијата на загрозените места на малиот шпански остров. Досега околу 6100 луѓе беа принудени да ги напуштат своите домови, по ерупцијата на вулканот во неделата попладне.