Фотографија на денот: Меркел првпат фотографирана со маска

Зошто Меркел досега во јавност не е видена со маска е прашање кое постојано е присутно во јавноста откако изби пандемијата на коронавирус, а во понеделеникот, на маргините на посетата на францускиот претседател Макрон на Германија, на канцеларката тоа прашање и’ го постави и една новинарка. Меркел тогаш одговори: „Ако се држам до правилата за држење дистанца, не мора да ставам маска. А, ако не можам да се држам до нив, на пример кога одам на купување, тогаш очигледно не сме се сретнале.“ И додаде: „Сигурно ќе има други прилики на кои ќе бидам видена со маска.“