Фотографија на денот: Балет на улица

Дел од настапите траеја само по неколку секунди, но доволно за да им „отворат апетит“ на минувачите. На некои места во градот каде што настапуваа танчерите се создаваа големи групи гледачи. „Не мислевме дека ова ќе има ваков одзив. Не само што луѓето го прифаќаат, туку тоа им е неопходно“, вели танчерката Маниела Оспина Кастро. Настапите на балетската група „Ардентиа“ на отворено беа завршница на културната програма „Театар на јавен простор, театар во вашето соседство“.