Здравје
Азурниот брег спроти укинувањето на карантинот
9 мај 2020Реклама
Во Франција, која е една од најтешко погодените земји од коронавирусот во Европа, со денови се намалуваат бројките на починати и на заразени.
Во последните 24 часа од коронавирусот починаа 178 лица, што претставува пад на бројот на починати во однос на претходниот ден, соопштија синоќа француските власти и додадоа дека од почетокот на епидемијата починале 25.987 лица. Во земјата во средата починаа 279 луѓе.
Францускиот премиер, Едуар Филип, изјави оти почетокот на ублажувањето на мерките на забрана за движење ќе започне од 11 мај во целата земја вклучително и Азурниот брег. Единствено во Париз и во некои други помали потешко погодени подрачја овие мерки ќе бидат воведени со поинакво темпо.