Ураганот Харви ослабнат, но и натаму опасен

Ураганот Харви го погоди југот на сојузната американска држава Тексас синоќа околу 22 часот по локално време, и иако оттогаш ослабна неговиот интензитет, метеоролозите очекуваат дека нивото на водата ќе расте поради обилните дождови и силните ветришта кои ќе продолжат и во наредните денови, јавуваат американските медиуми . Ураганот Харви вобчеравечер беше прогласен за ураган од четврта категорија, што е прва бура со толкав интензитет во Тексас во последните 56 години и севкупно на територијата на САД од 2005 година наваму.

Гувернерот на Тексас Џерџ Абот вчера издаде наредба со која преку 700 припадници на Војската на Тексас и Воздухопловната национална гарда, Државната гарда и Воениот одел на Тексас да бидат во состојба на готовност ширум оваа сојузна држава.

А наведува оти Харви по првичниот налет на територијата на Тексас е вратен на ураган од трета категорија во 4 часот наутро по источно време, кога ветровите со јачина од околу 215 километри на час се намалија на 180 километри на час, како што е соопштено од Националниот центар за урагани. Во меѓувреме неговиот интензитет се намали на ураган од втора категорија.

Десетици илјади жители на јужниот дел на Тексас се евакуирани од вкупно седум окрузи на крајбрежјето. Иако досега не можат да се проценат штетите настанати од налетот на Харви , метеоролозите прогнозираат дека во некои области нема да има нормални услови за живот со недели или со месеци.