Стотици мигранти-бегалци од Африка или Блискиот исток речиси секојдневно транзитираат низ Македонија. Во потрага по подобар живот во Западна Европа тие неретко завршуваат и како жртви на трговци со луѓе.
Фотографија: Getty Images/AFP/R. Atanasovski
Смрт на македонските пруги
Според неофицијални информации во последните месеци најмалку 27 мигранти ги загубиле животите на македонски пруги. Најголемата несреќа се случи во април годинава, кога воз во близина на Велес прегази 14 мигранти.
Фотографија: picture-alliance/dpa/G. Licovski
Жртви на криминални групи
Македонската полиција денеска, 11.06., спроведува акција во селото Ваксинце, каде според информации во повеќе медиуми, криминални групи држат како заложници голем број бегалци.
Фотографија: picture-alliance/AP Photo/D. Bennett
Полициска контрола во Демир Капија
Полициска контрола во воз кај Демир Капија. Полицијата вообичаено не им дозволува на мигрантите да се качуваат во возовите.
Фотографија: Getty Images/AFP/R. Atanasovski
Мајка и дете
Мајка со своето малолетно дете чека на железничката станица во Демир Капија.
Фотографија: Getty Images/AFP/R. Atanasovski
Возењето завршува тука!
Полицаец разговара со мигрант на железничката станица во Гевгелија.
Фотографија: Getty Images/AFP/R. Atanasovski
Одмор пред напорниот пат
Семејство мигранти одмoра во околината на железничката станица во Демир Капија. Единствениот начин за овие луѓе да го продолжат патот натаму е пеш.
Фотографија: Getty Images/AFP/R. Atanasovski
Азиланти во Гази Баба
Оние бегалци кои ќе одлучат да побараат азил во Македонија, завршуваат во транзитниот центар во Гази Баба.
Вчера, 10. јуни, на социјалните мрежи се појавија снимки од протести на азилантите кои престојуваат во транзитниот центар во Гази Баба. Бегалците извикуваа: „Сакаме слобода!“
Стотици мигранти- бегалци од Африка или Блискиот исок речиси секојдневно транзитираат низ Македонија. Во потрага по подобар живот во Западна Европа тие неретко завршуваат и како жртви на трговци со луѓе.
Сцените во кои стотици мигранти пеш се движат по македонските патишта и пруги станаа секојдневие. Државата малку или воопшто не им помага на овие луѓе. Дел од нив завршуваат во центарот за азиланти во Гази Баба каде, според повеќе извори, владеат нехумани услови.
