Снег, лавини, поплави

Снег без крај. Но, според наводи на метеоролозите, снегот треба да премине во дожд. Од неделата во Тирол падна до 1 метар нов снег. За денеска се најавени натамошни 50-тина сантиметри. За утре се очекува привремен крај на снежните врнежи.

На многу места во Алпите, како и овде во Кирхдорф ан дер Кремс, стотици пожарникари го расчистуваат снегот од покривите. Поради зголемувањето на температурите, снегот станува сѐ потежок и ризикот од уривање на покривите станува сѐ поголем. Како дополнување на опасноста од лавина, главниот ризик е снегот на покривот.

Покривите се стрмни и, поради снегот, лизгави. Но, нема алтернатива: снегот мора да се отстрани од покривите. Особено кога се заканува дожд, бидејќи новиот снег тежи само 50 килограми на кубен метар, а стариот влажен снег понекогаш и десет пати повеќе. Ова значи оптоварување до границата на издрживост за некои покривни греди.

Снегот мора да се расчисти. Сѐ едно дали од покривите или улиците и патеките. И така, сите можни возила во моментов се користат за транспортирање на „белиот товар“. Најдобро до најблиската река.

Под товарот на снег сѐ повеќе и повеќе зимзелени дрва паѓаат или се прекршуваат. Овде, падната елка блокира пат во регионот на Шварцвалд, во германската покраина Баден-Виртемберг. Работниците во патните служби не само што треба да го исчистат снегот, туку и да ги пресечат и транспортираат дрвата.

Единиците за расчистување работат деноноќно за да ги ослободат од снег патиштата и улиците - а неколку часа подоцна повторно е сѐ завеано. Сизифовска работа за стотици комунални работници. Но, според временската прогноза, крајот е конечно на повидок.

Севкупно, временските услови ќе се променат: По обилните снежни врнежи од последните денови, доаѓа затоплување, на многу места проследено со дожд. Потоа снежните маси треба полека да исчезнат. Но, ова исто така значи дека сѐ повеќе и повеќе вода ќе тече во потоците и реките.

Неколку реки и потоци во Баварија излегоа од своите корита. Особено во централниот и северниот дел на германската покраина веќе се поплавени обработливи полиња и ливади. Полицијата предупредува од поплави и на други места. „Високиот водостој доаѓа бавно", изјави портпаролката на полицијата. „Но, доаѓа“.

...за други радост. Децата во тековното зимско време попрво гледаат придобивки. Бидејќи, што се снежен хаос и лавини наспроти санкање и големи Снешковци?