1. Прескокни до содржината
  2. Прескокни до главната навигација
  3. Кон други страници на DW
Катастрофи

Смртоносна експлозија во Мексико

СН/ агенции
19 јануари 2019

Според последните информации повеќе од 60 лица загинаа при експлозија на нафтовод во мексиканската сојузна држава Идалго. Жртвите очигледно се обиделе да налеат бензин кој протекувал од продупчениот нафтовод.

https://p.dw.com/p/3Bp99
Mexiko, Hidalgo, Gemeinde Tlahuelilpan: Flammen nach einer Gasexplosion
Фотографија: Getty Images/AFP/F. Villeda

Најновиот биланс на загинати во експлозијата на нафтовод во централниот дел на Мексико која се случила во момент кога луѓе се обидувале да ги наполнат своите канистри со нафта, која истекувала од нафтоводот, изнесува 66, соопштија мексиканските власти. 76 пак се повредени. 

Пожарот кој сѐ уште не е ставен под контрола избувнал во близина на рафинеријата Тула во областа Тлахиелипан каде неколку часа претходно дојде до излевање на нафта што ги привлече луѓето кои сакале да земат од истечената нафта. Властите сметаат дека крадци  на гориво ја пробиле нафтоводната цевка, пренесува новинската агенција Ројтерс.

Mexiko, Hidalgo, Gemeinde Tlahuelilpan: Flammen nach einer Gasexplosion
Фотографија: Reuters/V. Monroy

На телевизиските снимки можат да се видат како луѓе со канистри собираат нафта која во млазеви се излева од навтоводот.

Повеќе:

-Мексико во костец поради кражбата на бензин

Подоцна снимките го прикажуваат нафотводот зафатен од оган и луѓе како врескаат и бараат помош. Гувернерот на мексиканската држава Идалго, Омар Фајад, утрината изјави  дека спасувачите пронешле 21 тело, а оти пожарот сѐ уште не е изгасен. „Има многу повредени. Многу, најмалку 54 со тешки изгореници. Постои многу врело подрачје до кое не можеме да пристапиме, и затоа мислиме дека бројот на мртви или повредени би можел да биде поголем“, изјави Фајад.

Mexiko, Hidalgo, Gemeinde Tlahuelilpan: Flammen nach einer Gasexplosion
Фотографија: picture-alliance/Xinhua News Agency

Ова е, како што наведува Ројтерс, една од најлошите експлозии на нафтоводи во Мексико во поблиската историја.

Овој инцидент се случува откако новиот претседател Андрес Мануел Лопез Обрадор започна национална стратегија против кражбата на бензин од која само во минатата и предминатата години Мексико загуби околу 3 милијарди долари.