1. Прескокни до содржината
  2. Прескокни до главната навигација
  3. Кон други страници на DW
Здравје

Зошто сѐ повеќе луѓе намерно се заразуваат со коронавирусот?

СН/агенции
12 април 2021

Здравствените власти во Словенија предупредуваат од опасен тренд во земјата: Сѐ повеќе граѓани намерно се инфицираат со коронавирусот. Која е причината?

https://p.dw.com/p/3rtrE
Slowenien Coronavirus Pandemie
Фотографија: Luka Dakskobler/Zumawire/imago images

Во Словенија властите се згрижени поради опасната појава на намерно инфицирање со коронавирусот со цел полесно движење и патување, со оглед на тоа дека прележувањето на Ковид-19 се третира како и имунитетот стекнат со вакцинирање.

„Забележуваме тренд на зголемување на бројката на оние кои сакаат што побрзо да се заразат за да добијат потврда која ќе им овозможи полесни патувања и преминување на границите, што е опасна пракса која никако не можеме да ја препорачаме“, изјави денеска на прес-конферениција епидемиологот Матеја Логар, која го води владиниот стручен совет за Ковид-19.

Slowenien Ljubljana in der Coronazeit
Фотографија: Zorica Ilic/DW

Таа, како што пренесува новинската агенцијата Хина, нагласила оти поради тоа, како и поради зголемениот број на случај со „мамење“ на тестовите за коронавирусот, се размислува за рестрикции односно за промена на правилата за патување.

Повеќе:

-Криза на владата во Словенија поради скандал со респиратори

-Коронавирусот галопира на Балканот, државите уриваат рекорди

-Јанез Јанша: „Мини-Трамп“ и „Маршал Твито“

Логар наведува дека меѓу останатото се размислува и за тоа оние кои заздравеле од Ковид-19 да се симнат од листата на исклучоци за тестирање за време на преминување на границите, но дури во фазата кога вакцината за имунизација ќе биде доволна за поголемиот дел од популацијата.

На опасноста за намерно изложување на вирусот предупредува и инфектологот Томаж Зовко од љубљанскиот УКЦ.  „За оваа болест сѐ уште не знаеме многу. Таа е непредвидлива и може да има трајни последици. Не знаеме точно какви долгорочни последици има болеста особено за помладите пациенти, иако кај некои тие се многу непријатни“, предупреди тој.

Зовко истакнува дека неспоредливо побезбедно е да се спречи инфицирањето и болеста и да се вакцинира, отколку да се заразува и да се смета оти на тој начин ќе се стекне имунитет. Освен тоа, сите кои можеби намерно се инфицираат во контакт со другите луѓе со тоа ризикуваат и потежок тек на болеста, затоа мора да се постапува одговорно за лична и заштита на другите“, предупреди тој.