Роналдо го продолжи предвреме договорот со Реал

Кристијано Роналдо имаше договор со Реал Мадрид до 2015 година. Според спортскиот дневен весник „Марка“, 28-годишниот Португалец сега потпишал договор за уште три години, односно до јуни 2018-та. Со тоа Роналдо станува најдобро платениот фудбалер во шпанскиот фудбал. Во секоја од петте наредни сезони Роналдо наводно ќе добива по 17 милиони евра, односно еден милион повеќе од досегашниот рекордер во примања - Лионел Меси од Барселона.

На почетокот на месецов шпанскиот гигант Реал Мадрид му плати 100 милиони евра на Тотенхем за трансферот на Герет Бејл. Според шпанските медиуми, Бејл годишно ќе заработува 10 милиони евра.