Почина претседателот на Виетнам
21 септември 2018Претседателот на Виетнам, Тран Даи Кванг почина на 61-годишна возраст во воената болница во главниот град Ханои, објави државната новинска агенција ВНА. Тран страдаше од сериозна болест. Гласини за лошото здравје на политичарот роден во 1956 година кружеа веќе некое време. Неговото едномесечно отсуство од политичкиот живот во август 2017 година ги поттикна овие шпекулации.
Тран беше претседател на југоисточноазиската земја од април 2016 година. Шефот на државата во Виетнам има главно репрезентативни задачи и овластувања. Најмоќната функција во државата е онаа на генералниот секретар на комунистичката партија. На второто место е премиерот.
Тран пред неговиот избор за претседател беше министер за јавна безбедност на Виетнам. Тој важеше за тврдокорен комунист и за време на на партискиот конгрес на почетокот на 2016 година со други конзервативни сили во партијата успеа да извојува победа над прозападните сили.