Почеток на пролетта - барем календарски

И по денешниот календарски почеток на пролетта, времето во големи делови од Европа и во Германија останува зимско. Метеоролозите велат дека врнежи од снег се можни и до крајот на месецов, постои веројатност дури и од „бел Велигден“. 

Но, во други земји пролетта наголемо е пристигната. Во југо-западната кинеска провинција Гуејѓоу е во полн ек цутот на црешовите дрвја. Оваа цветна атракција на површина од околу 133 хектари привлекува бројни домашни, но и странски туристи, годинава близу 200.000.