Од утре полициски час од 21 часот

Од утре до 15 мај полицискиот час ќе почнува во 21 и ќе трае се до 5 часот наутро. Исклучок од забраната за движење ќе има за Велиден на 1 кон 2 мај, како и меѓу 13 и 14 мај, за верскиот празник Рамазан Бајрам. Ваква одлука донесе Владата на денешната седница по препораките на Комисијата за заразни болести.

-повеќе на темата: Коронавирус: Маските на отворено немаат смисла, опасноста демне во затворени простории

Од утре се отвораат и терасите на угостителските објектикои ќе работат до 20.30 часот. Компаниите од угостителската дејност регистрирани за прослави (свадби, родендени, крштевки и слично) ќе можат да ја организираат работата само како ресторани на отворено, односно на терасите, а забраната за организирање свадби, родендени, крштевки и слично, останува. Исклучок од ова се угостителските објекти на меѓународните аеродроми, како и во објектите за сместување (хотели, мотели, хостели, пансиони и друго) за лицата кои се сместени во овие објекти, кои остануваат да работат како и до сега, соопшти Владата.

На сила останува забраната за работа на сите вежбални, фитнес клубови, спортски центри и сали наменети за вежбање на затворен простор, кои дејноста може да ја обавуваат на отворен простор.

Полицискиот час во Северна Македонија е на сила од 10 март,со цел да се спречи ширењето на Ковид-19.