Нема нови мерки, останува полицискиот час

Комисијата за заразни болести предлага рестриктивните мерки против Ковид-19 и полицискиот час од полноќ до 4 часот наутро да останат на сила и во наредниот период. Со тоа останува на сила и одлуката за работа на летните тераси на угостителските објекти кои се отворени до 23.30 часот. 

-повеќе на темата: Филипче: Маски мора да се носат, рано е за свадби и концерти

Утревечер слободно движење, од четврток полициски час од полноќ

Предлогот за олабавување на мерките, беше донесен минатиот понеделник врз основа на епидемиолошката состојба, откако надлежните оценија дека е намален број на новозаразени и на хоспитализирани од Ковид-19. На сила се уште е задолжителното носење маски на отворено. 

Според Министерството за здравство, во земјата има 3.636 активни случаи на заболени од Ковид-19, а во болниците се лекуваат 490 ковид пациенти.