Најуспешните Ф1 возачи на сите времиња

Кога Себастијан Фетел во 2010 година за првпат стана светски првак во Ф1 имаше 23 години и 134 денови односно беше најмладиот освојувач на шапмионската титула на сите времиња. Во Формула 1 речиси никој не може да го претекне. Повеќе од 30 пати досега тој веќе славеше и со шише шампањ прскаше врз толпата.

Себастијан Фетел да мора да го паркира својот автомобил, тоа се случува ретко. Овој 26 годишен Ф1 возач е пред својата четврта титула светски првак едноподруго. Според една анкета тој кај Германците е дури поомилен од неговиот пример, рекордерот во освојување шампионски титули - Михаел Шумахер.

Иако неговото враќање на пистите зарши не многу успешно, Михаел Шумахер и натаму ги држи најважните рекорди во Формула 1: Седум титули светски првак, 91 Гран-при победи, 151 пласмани меѓу првите тројца. Со години Шуми го одредуваше тактот и тоа не само при прогласувањето на победниците.

Шумахер (л.) до денес се смета за најдобар возач на сите времиња на дождливо време. И кога пистите беа најлизгави тој не избегнуваше дуели. Тоа многу добро го знаеше Дејмон Хил (д.) во 1994 година. Таа година Шуми ја освои првата од неговите седум титули - светски првак.

Она што Михаел Шумахер не успеа да го постигне со својот камбек, му појде од рака на Хуан Мануел Фанџо уште во 1950 година: Аргентинецот стана светски првак со сребрената стрела на Мерцедес, и тоа двапати. Фанџо освои вкупно пет титули светски првак, меѓу 1954 и 1957 четири едноподруго.

Австралиецот Џек Брабхам беше трипати светски првак. При неговиот последен СП триумф во 1966 година тој возеше тркачки автомобил, кој самиот го конструираше. Тоа до денес е единствен случај во Формула 1 и најверојатно така и ќе остане.

Три титули светски првак освои и Џон Јанг Стјуарт, кого сите го нарекуваа Џеки. Овој Британец во 1973 година ги напушти пистите како светски првак. Својата, всушност планирана, 100. трка Џеки Стјуарт никогаш не ја извозе, оти неговиот тимски колега Франсоа Север загина на тренингот за Големата награда на САД.

Ники Лауда во 1975 година стана за првпат светски првак. Една година подоцна овој Австриец доживеа несреќа на Нирбургринг. Неговото Ферари се запали. Лауда се здоби со тешки изгореници на главата, додека отровните гасови им наштетија на неговите бели дробови.

Лауда (л.) се врати - и тоа како! Во 1977 година тој повторно стана шампион. 1984 ја освои и третата титула, пред тимскиот колега во Мекларен Алан Прост (д.). Овој Французин потоа доби вистинска инспирација и четирипати си ја обезеди круната - светски правак.

Меѓу колегите Нелсон Пике не е безусловно омилен, бидејќи Бразилецот во јавноста радо говори против неговите конкуренти. На патеката Пике се вбројува несомнено меѓу најдобрите возачи на 80-тите. Потврда за тоа се трите титули светски првак.

По стапките на Пике како народен херој во Формула 1 на Бразил стапи Аритон Сена (л.). Во рок од четири години трипати беше светски првак. До денес има експерти кои сметаат дека Сена беше најбрзиот пилот во Формула 1 на сите времиња.

Аритон Сена живееше само 34 години. Тогашниот трикратен шампион загина во 1994 година при несреќа која се случи на Големата награда на Сан Марино.