Најпосетените знаменитости во Германија
Во Дрезден, Потсдам, Хајделберг или Келн, некои знаменитости привлекуваат милиони туристи секоја година. Доколку планирате посета на Германија еве дел од најубавите и најпознатите знаменитости во земјата.
Катедралата во Келн
Со речиси 6 милиони посетители годишно, импозантната готска катедрала на брегот на Рајна ги урива сите рекорди. Светилиштето на Тројцата наречници, во кој наводно се наоѓаат коските на едниот од наречниците кој го посетил Исус по раѓањето. Катедралата висока 157 метри привлекувала посетители уште пред да биде завршена изградбата во 1880 година.
Бранденбуршката порта во Берлин
Секоја година на 31 декември околу еден милион луѓе се собираат околу оваа класицистичка градба која датира околу 18. век за заеднички да ја дочекаат Новата година. За околу 12 милиони посетители на Берлин годишно, портата е секогаш на прво место. Во еден период, 26-метри високиот споменик беше сметан за симбол на поделбата на Германија. Денес е симбол на обединувањето.
Рајхстагот во Берлин
Околу 2,4 милиони туристи доаѓаат секоја година одблиску да ја погледнат германската парламентарна зграда. Преку ден, стаклената купола- дизајнирана од британскиот архитект Норман Фостер- блеска под небото. Ноќе, свети кон него.
Фрауенкирхе во Дрезден
Оваа барокна лутеранска црква привлекува речиси два милиони посетители годишно. Зданието беше уништено во сојузничкото бомбардирање на крајот на Втората светска војна. Беше повторно изградена од 1994 до 2005, по обединувањето на Германија како симбол на мирот, со прекрасни фрески во неа и многу златни детаљи.
Замокот Нојшванштајн во Швангау
Овој замок од бајките изграден од баварскиот „луд крал“ Лудвиг II и натаму ги фасцинира луѓето ширум светот. Со своите кули, ѕидини и прекрасни хали, изолираниот монарх од него направи идеализирано место врз основа на средновековните замоци. Во 2015 го посетија 1,5 милиони туристи.
Замокот Хајделберг
Често пати опишан како најпознатата светска руина, замокот Хајделберг привлекува околу 1 милион посетители годишно, повеќето Американци и Јапонци. Во 16. и 17. век, оригиналната средновековна тврдина била проширена во палата за потребите на регионалниот монарх. Зданието било уништено од француските трупи во 1689.
Вартбург во близина на Ајзенах
Замокот Вартбург играл клучна улога во германската култура и историја: Светата Елизабета од Унгарија живеела тука во 13. век, посветувајќи го својот живот на болните и сиромашните. Над 200 години подоцна, црковниот реформатор Мартин Лутер тука нашол прибежиште. Околу 35 илјади посетители годишно ја посетуваат изложбата која опфаќа осум века. (на фотографијата: собите на Елизабета)
Палатата Сансуси во Потсдам
Во 18. век, прускиот крал Фредерик II ја нарачал изградбата на релативно скромната летна резиденција над виноградите во Потсдам, на периферијата на Берлин. Палатата неоштетена ја преживеа Втората светска војна. Денес, околу 350 илјади посетители се воодушевуваат на интериерот кој е зачуван во својот оригинален облик.