1. Прескокни до содржината
  2. Прескокни до главната навигација
  3. Кон други страници на DW

Најмногу Греми-награди за дамите

14 февруари 2011

На доделувањето на „музичките Оскари“ поентираа жените - кантри групата „Лејди Антебелум“ замина со полни раце признанија, најдобра поп-пејачка е Лејди Гага.

https://p.dw.com/p/R0Yw
Фотографија: AP

Во „Стејплс центарот“ во Лос Анџелес синоќа се одржа 53-тото доделување на Греми-наградите. Канадската рок група „Аркејд фајр“ е добитник на Греми наградата за албум на годината за „The Suburbs“. Кантри-триото „Лејди Антебелум“ си замина со полни раце од овогодинешната церемонија на доделување на музичките „Оскари“. Американската кантри група доби Греми награда за најдобар сингл и песна на годината со „Need you now“. Лејди Гага освои Греми награди за најдобар женски поп вокал со песната „Bad Romance“ и најдобар поп албум за „The Fame monster“.

Grammy Awards Los Angeles 2011 Flash-Galerie
Лејди Гага во центарот на вниманиетоФотографија: AP

Греми наградата за најдобар машки поп вокал ја доби Бруно Марс за песната „Just the way you are“. Францускиот диџеј Дејвид Гета втора година по ред е добитник на Греми награда за најдобар ремикс за песната од Мадона „Риволвр“.

Греми награди беа доделени во вкупно 109 категории.

Церемонијата започна со оддавање почит на Арета Френклин. Кралицата на соул музиката се појави за првпат на националната телевизија по заздравувањето од операцијата.

Лејди Гага повторно беше атракција број еден. Таа на сцената се испили од големо јајце. Тоа е само уште еден од екстравагантните костими на 24-годишната пејачка, која на доделувањето на музичките награди во септември се појави облечена во облека од сурово месо.

Автор: ЖА/ЕМФ/миа

Редактор: Елизабета Милошевска Фиданоска