Микронезија: Авион наместо на писта, заврши во море

Патнички авион со 36 патници и 11 членови на посадата ја промаши аеродромската приста за приземјување на островот Вено во Пацифичкиот Океан. Авионот, сопственост на авиокомпанијата Ер Ниугини, слета 150 метри подалеку од пистата, во лагуна на островот кој припаѓа на сојузната држава Чук. Патниците не претрпеле посериозни повреди, а зошто авионот завршил во морето, не е познато. Водата се искачила во авионот во висина од околу еден метар. Мештаните со бројни мали чамци се упатија кон авионот да ги извадат патниците, ретка слика која брзо се прошири преку интернет.

Чук е дел од Федеративната држава Микронезија, сојуз на бројни острови среде Пацификот со само нешто преку 100.000 жители. Авионот кој се најде во морето доаѓал од Понпеи, друга држава во состав на Микронезија.