Контактите имаат животно значење
Во нашиот дигитализиран свет, во кој комуницираме повеќе преку смартфони отколку лично, брзо се заборава важноста на меѓусебниот допирот на луѓето. Телесниот контакт е потребен за физичкото и психичкото здравје.
Важно ракување
Научниците откриле дека преку кожата, преку допир, луѓето можат да почувствуваат одредени емоции како љубов, гнев, благодарност и одбивност. Редовните позитивни допири ги разградуваат агресиите и помагаат во создавање емоционални врски, а придонесуваат и за одржување на социјални поврзувања.
Допирот гради доверба
Комуникацијата преку допир може да помогне во создавање доверба и да ја подобри соработката. Студија покажала дека професионалните кошаркари и екипи кои на почетокот на сезоната практикувале посилна телесна интеракција, на пример преку групни прегратки, остварувале подобри резултати во подоцнежните натпревари.
Прегратката влева сила
Прегратките сигнализираат поткрепа и помагаат во разградувањето на акутен стрес. Според истражувањата, расположението кај луѓе кои во текот на конфликтен и непријатен ден доживеале прегратка, значително било подобро. Овој начин на поддршка им помага посебно на луѓето со пониска самодоверба во надминување на сопствената несигурност. Прегратките помагаат дури и за поголема отпорност кон настинка.
Допри ме!
Двојките кои се држат за раце или се прегрнуваат, му носат придобивки на своето здравје, зашто ваквиот телесен контакт доведува до намалена фреквенција на срцето, го снижува крвниот притисок и го намалува лачењето на штетниот хормон кортизол. Двојките дури можат преку допири да ги синхронизираат срцевите отчукувања и мозочните електробранови!
Масажите - повеќе отколку опуштање
Допирите не се само пријатни, туку се успешни и како средство против болки. Научниците од Универзитетскиот медицински центар Дјук дошле до сознание дека масажата на цело тело ги намалува болките и ја зголемува мобилноста кај пациентите кои страдаат од артритис. Притоа, не профитираат само масираните, туку масажата има позитивно дејство и врз масерите!
Бебињата имаат потреба од допир
Кај предвремено родени бебиња, масажите помагаат во зголемување на телесната тежина. Преку стимулација на нервниот систем се лачат хормони кои ја подобруваат апсорпцијата на храна. Ублажувачкото дејство против болка на контактот преку кожата им помага на бебињата во пребродување на медицински интервенции. Допирите го инхибираат стресниот хормон кортизол и го ослободуваат хормонот окситоцин.
Самомасажа
Позитивно дејство има и самомасажа, при што поцврстите допири се поефективни отколку полесните. Јогата и некои видови спорт, како кревање тегови, кај кои контактот меѓу телото и подот е поинтензивен или притисокот врз одредени телесни делови е голем, имаат разградувачко дејство врз стресот.
Техника за допири
Со цел и луѓето со ампутирани делови од телото да не мора да бидат исклучени од допири, создадени се сензорски протези. Одделни научници се занимаваат со развој на електронска „кожа“, способна да прави разлика меѓу различни површини, како и да чувствува студ или топлина.