Кога пицата ви ја носи ирвас

Разнесувањето пица со помош на ирваси би ја олеснило испораката во Хокаидо поради снегот и мразот во регионот. Ирвасите се дресираат да го носат товарот на грб, или да влечат санки со пици.

„Ирвасот може да развие брзина од 80 километри на час“, вели еден од дресерите.

Ирвасите се многу отпорни на студ и силни, но сепак тежината која треба да ја носат мора да биде ограничена, за да не се преоптоварат. Животните ќе носат апарат за навигација, за муштериите да можат да ја следат нивната локација.

Конечната одлука дали ирвасите ќе бидат пица-разнесувачи сѐ уште не е донесена.