Мексико: Судски притисок за легализација на марихуаната
29 јуни 2021Врховниот суд на Мексико пресуди дека законската забрана за консумирање на канабис е неуставна. Пет соодветни члена од општиот закон за здравствена заштита на земјата се спротивни на уставот, одлучија судиите со девет наспроти два гласа.
Пушењето и друга потрошувачка на производи од канабис, како што е марихуаната,меѓутоа со ова, генерално не е одобрена, туку дозволи за тоа треба да се добијат од државната комисија за заштита од здравствени ризици (Кофеприс). Трговијата со дрога, пак, останува забранета.
Врховниот суд во Мексико Сити уште во 2019 година пресуди дека апсолутната забрана за консумирање канабис усвоена во 1920 година го нарушува правото на слободно развивање на личноста. Ризикот по здравјето и јавниот ред и мир од рекреативната употреба на марихуана не е докажан како доволно голем за да се оправда забраната.
Повеќе:
-На повидок легализација на канабисот во Северна Македонија
-Заев: Може по две-три стебла марихуана за лична употреба
Судот потоа му даде рок на парламентот на Мексико да донесе закон за легализација на канабисот. Рокот беше продолжен неколку пати, но двата дома на мексиканскиот парламент сè уште се немаат усогласено за текстот на законот.
Судот, вчера, повторно го повика парламентот да донесе ваков закон. Доколку се случи ова, северноамериканската земја би била само третата држава во светот, по Уругвај и Канада, во која ќе ќе биде создаден легален пазар на марихуана на целата територија.
Со околу 126 милиони жители, мексиканскиот пазар би бил далеку најголем.