1. Прескокни до содржината
  2. Прескокни до главната навигација
  3. Кон други страници на DW

Дијаспората излезе на гласање

4 јуни 2011

До 13 часот во Европа на гласање излегле меѓу 25 и 50 отсто од пријавените македонски државјани. Со оглед на временските разлики, во Австралија гласањето е завршено, додека во САД и Канада се` уште не е почнато.

https://p.dw.com/p/11UNp
Од гласањето во БерлинФотографија: DW

Во двете избирачки места во Австралија, Камбера и Мелбурн, гласањето е завршено и својот глас го дале околу 70 отсто од македонското население со право на глас.

Тоа се резултатите што ги соопшти Државната изборна комисија (ДИК) за денешното гласање, каде своето право го исполнуваат болните и изнемоштените, лицата во притвор или на издржување казна затвор, внатрешнораселените лица, како и македонските државјани во дијаспората.

„Гласањето во Изборната единица 7 е почнато и уште е во тек. Просечниот одзив според нашите податоци пристигнати до 13 часот изнесува меѓу 25 и 50 отсто од запишаните гласачи во секое избирачко место во таа изборна единица, а тоа се 28 избирачки места од вкупно 36“, рече Борис Кондарко, претседателот на ДИК.

Автор: ТТ/ЕМФ/макфакс

Редактор: Трајче Тосев