Десетици загинати во бродска несреќа во Тaнзанија

Најмалку 86 лица загинаа откако на езерото Викторија се преврте танзаниски патнички траект, а се очекува да бидат пронајдени уште жртви, гласат последните официјални информации од властите во Танзанија. По превртувањето на бродот вчера попладне, спасени се 37 лица. Според властите „фокусот е на спасувањето“ на што е можно повеќе преживеани.

Трактот Нирере се преврте во близина на островот Укара, на југот на големото езеро, соопшти на танзаниската Агенција за електронски услуги, оператор на бродот.

„На траектот имаше повеќе стотици луѓе кога се преврте, а се стравува дека голем број од нив го загубиле животот“, изјави едно официјално лице од округот Укереве, во областа Мванза. Според иницијалните проценки, на бродот се наоѓале најмалку 300 луѓе.

Траектот, освен патници, превезувал и стока. Причината за несреќата засега не е позната, но најчесто такви несреќи се случуваат кога траектите се претоварени, а во бродовите нема појаси за спасување, па често има многу загинати.

Агенцијата задолжена за сервисирање на бродови повика на трпение. Несреќи со смртни последици на езерото Викторија се релативно чести.

При потонување на еден траект во 1996 година во езерото загинаа околу 700 лица.