Германска министерка поднесе оставка поради плагијат
19 мај 2021Во Сојузното министерство за семејство потврдија дека министерката Гифај својата одлука ја соопштила утрово на седница на владата. Таа тоа го образложила со расправата за нејзината докторска дисертација.
Очигледно е оти Слободниот универзитет во Берлин има намера да ѝ ја одземе докторската титула на Франциска Гифај, за што веќе пишуваше неделникот „Фокус“.
Сомнежите дека кај нејзината докторска дисертација се работи за плагијат се појавија во февруари 2019 година.
Повеќе:
-Докторската титула на претседателот на Бундестагот - плагијат?
-Оставка на министерката поради аферата за плагијат
-Жестока борба за докторска титула
Во ноември минатата година таа соопшти оти веќе нема да ја носи докторската титула која ја добила во 2010 година.
Франциска Гифај (43) од 2018 година е сојузна министерка за семејство. Од ноември 2020 година е претседателка на Социјалдемократската партија во Берлин и носител на листата на СПД за градоначалничка на Берлин.
Изборите за градски/покраински парламент во Берлин би требало да се одржат истовремено со сојузните избори за Бундестагот на 26 септември годинава.