Вториот човек на Ал Каеда убиен во Иран?

Убиството во Техеран на вториот човек на Ал Каеда, за што пишуваше весникот Њујорк тајмс, е фабрикувана информација, соопшти иранското Министерство за надворешни работи, негирајќи присуство на членовите на џихадистичката организација во Иран.

Портпаролот на министерството за надворешни работи, Саид Катибзадех, соопшти дека непријателите на Иран, Израел и САД, од време на време се обидуваат со лаги во медиумите да ја поврзат земјата со терористичките групи во регионот.

Министерот наведе дека САД и нивните сојузници во регионот создале лоша политика со Ал Каеда и ги советуваше американските медиуми „да не паднат во замка со холивудските сценарија на американските и ционистичките претставници“.

Весникот Њујорк тајмс во петокот објави дека вториот човек на Ал Каеда, Абу Мохамед ал-Масри, кој е на листата на најбарани терористи на ФБИ, го убиле двајца моторциклистина улиците во Техеран, што потврдија американските официјални лица на таа листа.

Повеќе:

-Спојување на Исламска држава и Ал Каеда?

-Иран и САД можат да го „запалат“ целиот регион

-Трамп: калкулирано раскинување на атомскиот договор со Иран

Убијците кои пукале во автомобилот на жртвата, исто така, ја убиле и неговата ќерка Мириам, вдовица на еден од синовите на Осама бин Ладен, лидерот на Ал Каеда во 90-тите години од минатиот век, судејќи според пишувањето на весникот.

Убиството, наводно, го сториле израелски агенти за САД на 7 август на годишнината на нападот на американските амбасади во Кенија и во Танзанија во 1998 година, во кои бил вмешан Абдулах Ахмед.

САД го обвинија Иран дека им пружа засолниште на оперативците на Ал Каеда и оти тие поминуваат низ територијата на земјата во 2016 година, што Техеран тогаш го негираше тоа.

Иранскиот портпарол ја обвини админстрацијата на претседателот на САД, Доналд Трамп, за иранофобија како „дел од својата економска, разузнувачка и психолошка војна против Техеран“.

Откако најнапред САФ унилатерално се повлече од нуклеарниот договор со Иран а потоа и властите во Техеран одлучија да го игнорираат тој договор со големите сили во 2018 година, администрацијата на Трамп повторно воведе парализирачки санкции против Исламската република во рамки на политиката на „максимален притисок“.