Протест против убиства на жени

Облачен ден, но околу Ајфеловата кула во Париз врие од туристи, улични продавачи и ситни измамници. Пред тој метеж, активистки лежат на плоштадот Трокадеро во знак на протест против фемицид, односно убиства на жени, што најчесто се случува при семејно насилство.

Минатата година во светот биле убиени речиси 89.000 девојчиња и жени, рекорд во последните 20 години, како што произлегува од податоците на ОН. Црната бројка сигурно е многу повисока.