60 години од основањето на Меѓународниот суд
12 април 2006На свеченоста по повод 60-годишниот јубилеј на највисоката судска инстанца на Светската организација, Анан ги повика сите земји членки да ја прифатат јурисдикцијата на Меѓународниот суд.
„Судот е неопходен, денес многу повеќе отколку порано. Членките на ОН му се обраќаат не само за да ги решат проблемите со границите или за да обжалуваат прекршување на склучени договори, туку и за проблеми како што се геноцидот или примената на сила„ - порача Анан во седиштето на Судот во Палатата на мирот во Ден Хаг.
За оние земји кои пак паушално не ја прифаќаат неговата јурисдикција, генералниот секретар препорача тоа да го сторат барем парцијално, односно да побараат мислење на Меѓународниот суд во одделни конкретни спорови со некоја друга земја пред спротивните интереси да ескалираат. Задача на Судот е да решава во случај на меѓудржавни спорови, при што услов е обете земји во спорот да ја прифатат надлежноста на Меѓународниот суд. Во спротивно, судската пресуда нема обврзувачка важност.