Македонија

211 години затвор за крвавиот упад во Собранието на 27 април

Судот во Скопје денеска им изрече казни во времетраење од вкупно 211 години на обвинетите за упадот во Собранието на 27 април 2017. Највисока казна доби тогашниот висок полициски функционер Митко Чавков- 18 години затвор

Erstürmung des Parlaments in Mazedonien (picture-alliance/dpa/B. Grdanoski)

Од 17 обвинети за терористичко загрозување на уставниот поредок со упадот во Собранието на 27 април 2017 година, 16 се прогласени за виновни и добија повеќегодишни затворски казни, додека еден обвинет- оперскиот пејач Игор Дурловски е ослободен од обвинението.

Највисока казна од 18 години затвор доби поранешниот директор на Бирото за јавна безбедност, Митко Чавков кој во деновите пред и за време на упадот во Собранието бил носител на златна команда во МВР. Тогашните колеги на Чавков од МВР, Митко Пешов, Душко Лазаров, Горан Ѓошевски-Леви добија по 15 години затвор, Оливер Поповски- 13 години, а Оливер Радулов- 10 години затвор. Мунир Пепиќ од Агенцијата за разузнавање е казнет со 15 години затвор, а Абдуљфета Алими е осуден на 7 години затвор.

Од лицата кои со фантомки влегоа во Собранието, највисока казна добија Јане Ченто, Влатко Трајковски и Никола Митревски-Кољо - по 15 години затвор; Вилијам Михајловски доби 14 години затвор, Игор Југ и Горанче Анѓелковски по 12 години затвор, а Александар Василевски-Нинџа доби 8 години затвор.

Од обвинението е ослободен оперскиот пејач Игор Дурловски.

Во пресудата, судијката Добрила Кацарска го критикуваше однесувањето на полицијата за време на насилниот упад во Собранието како срамно. Таа оцени дека упадот бил „смислено сценарио чиј дел биле и високи полициски службеници“.

За „крвавиот четврток“ првично беа обвинети 33 лица кои се гонеа за делото терористичко загрозување на уставниот поредок. Од нив, 15 беа амнестирани со закон во Собранието, додека за едно лице се водеше одвоена постапка.

Сведоштва за „крвавиот четврток“ во македонскиот парламент

Навала пред вратите на Парламентот

По изборот на Талат Џафери за нов претседател на Парламентот, од иницијативата „За заедничка Македонија“ ги повикаа граѓаните да излезат уште помасовно на протест, со цел да ја спасат државата од, како што истакнаа, влегување во сценарио од кое нема враќање назад. Толпата почна да притиска кон вратите на Собранието за да влезе во него.
Сведоштва за „крвавиот четврток“ во македонскиот парламент

Слабо присуство на полицијата

Неколку големи групи граѓани влегоа во парламентарната зграда, во пленарната сала, во фоајето и во други простории на парламентот, откако полицијата не го спречи првиот бран од граѓани кои протестираа против изборот на нов претседател на Собранието.
Сведоштва за „крвавиот четврток“ во македонскиот парламент

Незапирливо „заземање“ на Парламентот

Меѓу оние кои упаднаа имаше и маскирани лица со качулки, кои фрлаа столици во собраниските простории и медиумска опрема.
Сведоштва за „крвавиот четврток“ во македонскиот парламент

„За заедничка Македонија“ во Собранието

Во закондавниот дом завладеа хаос. Тука беа организаторите на иницијативата „За заедничка Македонија“, тука беа и министри и пратеници на ВМРО-ДПМНЕ.
Сведоштва за „крвавиот четврток“ во македонскиот парламент

Знамиња и песни

Дел демонстранти ја „зазедоа“ и Пленарната собраниска сала, каде што пееја песни и вееја знамиња.
Сведоштва за „крвавиот четврток“ во македонскиот парламент

Напади врз пратениците на СДСМ

Демонстранти навлегоа и во прес-центарот, каде што беа пратениците на СДСМ и ДУИ и почнаа да ги тепаат со столови и со сè што ќе им дојде до рака. Крвнички напаѓани беа Зоран Заев, Дамјан Манчевски, Максим Димитриевски, Радмила Шеќеринска, Хари Локвенец, Зијадин Села. Полиција немаше.
Сведоштва за „крвавиот четврток“ во македонскиот парламент

Полицијата се „разбуди“

По повеќе од еден час по почетокот на инцидентите, полицајци влегоа во Собранието и се обидоа да ги извлечат пратениците од прес-центарот, но беа избркани од толпата што ги држеше како заложници. Толпата се забарикадира во прес-центарот.
Сведоштва за „крвавиот четврток“ во македонскиот парламент

Евакуација на повредените пратеници

Некаде пред 22 часот дојдоа и специјалци, па почнаа да се обидуваат да ги вадат повредените од забарикадираниот прес-центар.
Сведоштва за „крвавиот четврток“ во македонскиот парламент

Извлечени пратениците

Кратко пред полноќ пратениците од парламентарното мнозинство беа извлечени од Собранието, а пред него и понатаму останаа насобраните демонстранти. Вкупно стотина лица се повредени, од кои четворица се пратеници. Целото Собрание е демолирано, тврдат новинари, од кои дел исто така беа напаѓани.
Сведоштва за „крвавиот четврток“ во македонскиот парламент

Шатори пред Собранието

Припадници на движењето „За заедничка Македонија“, кое ги предводи демонстрациите, кои синоќа прераснаа во безредија и насилство, поставија шатори пред Собранието и најавија дека ќе останат таму „колку што е потребно“, за да ја „одбранат Македонија“.

Автор: ЖА

DW.COM

Сите во исчекување: напладне пресуда за „крвавиот четврток“

Дел од обвинетите јавно изјавија дека не сакаат амнестија туку правда, и дека ќе ја докажат нивната невиност. Минимум 10 години е казната затвор за делото „терористичко загрозување на уставниот поредок и безбедноста“ (15.03.2019)

„Крвавиот четврток“ го ниша мирниот азил на Груевски

Обвинителството за гонење организиран криминал и корупција преку Министерството за правда ќе бара проширување на барањата за екстрадиција на Никола Груевски и Никола Бошкоски, осомничени за 27-ми април (21.02.2019)

Случај Чавков: Кога гаранцијата не е гаранција

Ако гаранцијата во имот еднаш била причина Митко Чавков да биде ослободен од притвор, зошто истата гаранција сега е небитна, прашуваат правници. (13.03.2019)

Вељаноски, Ристовски и Јанакиески приведени за „крвавиот четврток“

Обвинителството гони пет лица како организатори на крвавиот упад во Собранието на 27 април 2017. Меѓу нив е и експремиерот Груевски, како и избеганиот разузнавач Никола Бошкоски (20.02.2019)

Судење за 27 април: Кој подготвувал сендвичи за „крвавиот четврток“?

Во судницата на Основниот суд Скопје 1 денеска седнаа обвинетите за насилниот упад во Собранието од 27 април минатата година. Пет пратеници на ВМРО-ДПМНЕ и екс-директорот на БЈБ, Чавков се меѓу обвинетите (22.08.2018)

Упад во Собранието: Лавината тргна од УБК и Кабинетот на Иванов

Вчерашните случувања може да претставуваат и пресврт во судскиот процес за 27-ми април, вели адвокатот Александар Новаковски. Ексдиректорот на УБК, Владимир Атанасовски, не одговара на телефонските повици. (04.12.2018)

Многу „дупки“ во одбраната на Нинџа

Ако ист исказ како вчера Василевски дал во Обвинителството во јуни, нејасно е зошто во рамките на истрагата лицата што тој ги посочи досега не биле повикани да дадат исказ, гласи едно од клучните прашања. (07.12.2018)

Пратениците подготвени - ќе се гласа за амнестија

Нема да бидат амнестирани организаторите и подготвувачите на насилството, како и службените лица кои ги прекршиле овластувањата. Извесно е дека филтерот на амнестијата ќе го поминат пратениците и водачите на протестите (18.12.2018)

Сведоштва за „крвавиот четврток“ во македонскиот парламент

Невидени хаотични слики: Откако мнозинството пратеници го избра пратеникот на ДУИ Талат Џафери за претседател на Собранието, на противење на пратениците од ВМРО ДПМНЕ, законодавниот дом упадна толпа насилни луѓе. (28.04.2017)