18 заспани работници настрадаа на автопат во Индија
28 јули 2021Како што соопштил полициски претставник за германската новинска агенција ДПА, земјоделските работници патувале со автобус од двете големи аграрни сојузни индиски држави, Пенџаб и Харијана, во нивната сиромашна држава Бихар, оддалечена преку илјада километри. Поради дефект на автобусот, возачот го паркирал возилото на работ на автопат, а патниците легнале да спијат во близината. Според полицијата, доцна синоќа товарно возило кое се движело со голема брзина удрило од назад во автобусот, кој при превртувањето паднал врз заспаните луѓе. Полицијата и спасуваките екипи ги извлекле настраданите од под автобусот.
На индиските автопатишта, кои се во исклучително лоша состојба, според владини податоци годишно умираат околу 150.000 луѓе во сообраќајни несреќи. Главни причини се најчесто пречекорената брзина и непридржување на безбедносните правила како прикачување заштитен појас.