10 секојдневни работи измислени во Германија

Некогаш беше крал во канцеларијата, денес дигиталната меморија и’ го уништи владеењето. Сепак, претпазливата дупчалка за хартија ја измислил Матијас Тил, а Фридрих Зонекен ја патентирал на 14 ноември во 1886 година. Од друга страна, неговиот втор изум, врзувачкиот прстен, дупчалката со два отвори на Зонекен донесе барем малку ударен сексапил во стерилната канцелариска средина.

Невидливо е колку што е присутно. Но, МП3 долго било само идеја сѐ додека експертот за технологија, Карлхајнц Брандебург не го доживеа својот „еурека“ момент во раните 80-ти. МП3 дозволува датотеките да бидат кодирани и компресирани, а потоа складирани и пренесувани со леснотија - како што набрзо потоа открија страниците за споделување на фајлови, како што е „Напстер“.

Електричната рачна дупчалка случајно стана симбол на машкоста, без која ниту еден работен алат не е комплетен. Иако првата електрична дупчалка била откриена во Австралија во 1889 година, претприемачот Вилхелм Емил Феин ја направил рачна и пренослива во 1895 година - на тој начин засекогаш ослободувајќи ја од границите на машкоста. Оттогаш, таа е „виновна“ за безброј домашни поправки.

За време на Втората светска војна, САД сметале дека со забрана за увоз на Кока Кола, ќе и нанесат „тежок“ удар на Германија. Никогаш не отстапувајќи пред предизвик, Макс Кејт шефот на „Кока Кола“ во Германија, одлучил да направи нов производ за германскиот пазар, користејќи локални состојки. Така бил направен и култниот пијалок, кој помага за побрзо расипување на забите уште од 1941 година.

Велат дека постои иновација во сите нас. Во 1908 година, домаќинката Мелита Бенц размислувала зошто нејзиното кафе секогаш е прегорено и горко. Согледувајќи дека може да приготви повкусно кафе со цедење на зрнцата со имровизирана филтер хартија, Бенц ја патентирала таа идеја и денес семејната компанија - „Мелита Груп КГ“ - има вработено околу 3.300 лица.

Како откритијата на „Нивеа“ и „Лабело“ да не биле доволни за фармацевтот Оскар Тропловиц, па одлучил да направи уште нешто по што ќе биде запаметен. Измислил леплива лента. Иако идејата веќе била откриена, сепак пронајдокот на Тропловиц за леукопласт - лепливо крпче - во 1901 година ја променил „играта“. Домашните поправки оттогаш веќе не се исти.

Иако повеќето ја поврзуваат со француските шансони, сепак хармониката ја измислил и дизајнирал Кристијан Фридрих Лудвиг Бушман во Берлин во 1822 година. Роден во Турингија, занаетчијата, наводно ја измислил хармониката пред да направи нешто позначајно. Подоцна, хармониката го освоила светот.

Финска тврди дека Дедо Мраз е нејзин, но божикната елка секако ѝ припаѓа на Германија. Се појавува за време на германската ренесанса, кога со едноставни декорации започнала т.к.н традиција „Таненбаум“. Додека во историјата елката се украсувала со ореви, овошје и свеќи, денес новогодишното дрво е симбол за натпревар меѓу соседите, кој ќе купи поголемо дрво или ќе го украси повеќе.

Додека прототипот на фудбалските копачки бил измислен во Велика Британија, основачот на „Адидас“, Ади Даслер во 1954 година ги создал модерните обувки со вметнувањето на крампони, кои истата година, без сомневање, на Германците им ја донеле победата на Светското првенство. Постариот брат на Даслер, Рудолф, кој е основач на ривалот „Пума“ не бил среќен и тврдел дека пронајдокот е негов.

Еднакво сакан и омразен, на многумина им предизвикува нервоза додека се возат. Откриен од Фридрих Вилхелм Густав Брух во Берлин во 1891 година за индустријалецот и пионер во автомобилизмот Готлиб Дајмлер, оттогаш таксиметарот го зголемува крвниот притисок. Но, дали со доаѓањето на Убер, таксиметарот ќе замине во историјата? Не, ако страствените француски и индиски такси-синдикати се обединат.