Џим Јонг Ким - главен фаворит за нов шеф на Светска Банка | Економија | DW | 16.04.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Економија

Џим Јонг Ким - главен фаворит за нов шеф на Светска Банка

Извршниот одбор на Светска банка денеска треба да гласа за нов претседател. Јасен фаворит за наследник Роберт Зелик е човекот номиниран од страна на САД - Џим Јонг Ким.

Џим Јонг Ким

Џим Јонг Ким

Одборот на директори на Светска банка ќе се сретне денеска во Вашингтон со цел да го избере следниот претстедател на оваа институција, која е една од главните во меѓународната економија.

Иако кандидатот на САД првпат во 66 години е соочен со конкуренција, се очекува дека најмоќните акционери на Банката (САД, Европа и Јапонија), ќе го поддржат Американецот со корејско потекло, лекарот Џим Јонг Ким.

Противкандидат на Ким е нигерската министерка за финансии, Нгози Оконџо-Ивеала. Во петокот од кандидатурата се откажа поранешниот колумбиски министер за финансии Хосе Антонио Окампо кој изјавви дека „трката станала исполитизирана“.

Пред денешното гласање, јужноафриканскиот министер за финансии Правин Гордан побара натамошни реформи во Светска банка и Меѓународниот монетарен фонд. Гордан денеска изјави дека одлуките за кандидатите кои би ги воделе двете институции веќе не се носат во европските и американските „скриени одаи“, но тој е загрижен дека етаблираните сили и натаму би го имале последниот збор.

Победникот на денешното гласање ќе го замени актуелниот претседател Роберт Зелик, поранешен американски дипломат, кому во јуни му завршува неговиот петгодишен мандат.