Џенова: Зарем треба да се умира за работите да се променат? | Свет | DW | 16.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Џенова: Зарем треба да се умира за работите да се променат?

Обвинителствто во Џенова стравува дека под урнатините на мостот Моранди има уште 10 до 20 лица. Бројот на загинати во катастрофата се зголеми на 39. Жителите на Џенова бараат одговорност.

Спасувачките екипи не запираат со пребарување на урнатините за да стигнат до евентуални преживеани во катастрофата на мостот Моранди. Главниот обвинител во Џенова, Франческо Коци, изјави дека сѐ уште би можело да има „меѓу десет и дваесет исчезнати лица“. Надежите дека сѐ уште има живи под урнатините со секој изминат час се намалуваат. Жителите наЏеновасе бесни на компанијата која управува со автопатот - Аутостраде, но и на властите кои немаат доволно интерес за тоа како се одржуваат автопатите.

Гледај видео 01:06

Зарем треба да се умира за работите да се променат?

Франко, кој живее во околината на урнатиот мост, е сигурен:

„Ќе видите, на крај ќе го обвинат инженерот што го градел мостот... кој е мртов! Сите останати ќе си ја спасат кожата."

Неговата сосетка Паола е избезумена од грижи:

„Мојата куќа е во околината на мостот. Ми се плаче. Не знаеме што нѐ чека. Се грижат само за автопатот, но не и за нас, околу 600 луѓе кои сме евакуирани од домовите. А јас имам четиригодишно дете!“

Еден жител од Џенова со резигнација констатира:

„За жал, луѓето секогаш мора да умираат за работите да се променат и подобрат во Италија.“

Со него се согласува и жена која со солзи во очите ја посматра сцената на катастрофата:

„Мислам дека не се одржува како што треба, политичарите немаат доволно интерес. Сега одеднаш сите се појавуваат, зборуваат за тоа. Зарем мора да се случи нешто толку ужасно и зарем луѓето мора секогаш да умираат за работите во Италија да се променат?“

DW.COM

Аудио и видео прилози на оваа тема

Реклама