Ќелија: Голема акција или мал трансфер на терористи? | Северна Македонија | DW | 08.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Ќелија: Голема акција или мал трансфер на терористи?

Македонското МВР вчера соопшти дека привело седум лица за кои постои сомнение дека биле дел од терористичката организација Исламска држава во Сирија и Ирак. Од САД велат дека се работи за репатријација

Mazedonien Polizei Razzia Terrorismus Islamismus (MIA)

архивска фотографија

Главна вест во македонските медиуми вчера беше апсењето на седум државјани кои се осомничени за учество во странски терористички групи во Сирија и Ирак. Од Министерството за внатрешни работи објавија и видео од апсењето на терористите кое го споделија повеќе медиуми. Во соопштението на МВР се наведува дека апсењето на осомничените терористи било извршено во соработка со Глобалната коалиција за борба против тероризмот. Надлежните тврдат дека се работи за продолжение на полициските акции Ќелија 1 и 2. 
Она што не се наведува е дека лицата и биле испорачани на Македонија од меѓународните партнери директно на аеродромот во Скопје. Според новинската агенција Асосиејтед прес, по повеќемесечен притисок од САД, неколку држави меѓу кои и Македонија прифатиле репатријација на свои државјани кои учествувале во борбите на фронтовите во Ирак и Сирија како дел од ткн. Исламска држава и други терористички организации.

Deutschland Razzia angeblicher Kopf der Terrorzelle 34-jähriger Algerier (picture-alliance/dpa/Polizei)

Во Сирија на израчување во матичните земји чекаат околу 600 странски борци на Исламската држава

Македонија е последна во низата земји кои прифатиле да ги репатрираат терористите уапсени од страна на Сириските демократски сили- борбена група која делува со поддршка на САД. Се работи за вкупно 600 борци кои треба да се префрлат во земјите на потекло, но проблемот на САД е што голем број други европски држави одбиваат да ги примат назад.
САД досега одбиваа официјално да дискутираат за трансферите на уапсени терористи, со став дека оставаат на самите држави да одлучат дали ќе ги откријат одлуките за репатријација на своите државјани.

Според портпаролот на Пентгон, Ерик Пахон, чекорот на Македонија да прифати седум борци означува „значаен исчекор во многу потребната соработка во борбата против глобалната закана од тероризмот“, и претставува важен пример за останатите членки на коалицијата.

Гледај видео 04:25

Исламската држава регрутира џихадисти крај Охридското езеро

Според АП, македонските државјани биле заробеници на Сириските демократски сили, а во Скопје стигнале со превоз кој најверојатно го обезбедиле САД.

Американскиот секретар за одбрана Џим Матис во февруари годинава ги повика сојузниците да си преземат одговорност за сопствените државјани во Сирија. Но, малкумина го прифатија неговиот повик.

Уапсените во Македонија се на возраст меѓу 23 и 41 година и обвинети се за „учество во странска армија, полиција или парамилитарна формација“. Доколку бидат прогласени за виновни им се заканува затворска казна до 10 години.

Според неофицијални проценки, околу 130 македонски државјани и се приклучиле на ткн. Исламска држава и учествувале во војната во Сирија. Најмалку десетмина загинале во борбите.

 

DW.COM

Аудио и видео прилози на оваа тема

Реклама