Спасувачите во југозападна Јапонија денес ја продолжуваат трката со времето за да ги спасат жителите блокирани во местата погодени од разорните поплави и одроните на земјиште во кои досега починаа речиси 50 луѓе, а десетина се сметаат за исчезнати.
Обилниот дожд нема да запре сѐ до четврток, објави метеоролошкиот завод кој повторно издаде највисоко предупредување за опасност од поплавите и одроните на земјиште во големо подрачје на островот Кјушу, на југозападниот јапонски архипелаг.
Од временската непогода најмногу е погодена префектурата Кумамото во која починаа 49 лица.
Локалниот претставник Јутаро Хамасаки вели дека припадниците на службата за потрага и спасување ја продолжуваат трката со времето за да ги спасат жителите кои се блокирани во своите домови поради поплавите.
„Не одредивме временска рамка за спасувачите, но мораме навистина да го убрзаме ритамот бидејќи ни истекува времето. Луѓето нема да ги напуштиме“, рече Хамасаки.
Поради големото невреме кое трае од саботата наутро се очекува да расте бројот на жртви. На терен се распоредени над 40.000 полицајци, пожарникари, припадници на крајбрежната стража и цивилна заштита.
-
Од Азија кон Европа: Походот на заштитните маски против коронавирус
Ракавици, мобилен телефон, заштитна маска
Дали и во Германија ќе се воведе обврска за носење заштитна маска? По консеквентната употреба во Азија, институтот Роберт Кох препорача нејзино носење и во Германија. Јена е првиот град кој ја водведе оваа мерка, од 6 април во супермаркетите и јавниот сообраќај таму таа е задолжителна. Како заштита се прифаќа и шал или марамче на устата.
-
Од Азија кон Европа: Походот на заштитните маски против коронавирус
Подарок за пожарникарите
Со оглед на големиот недостиг на заштитни маски, луѓето и институциите се снаоѓаат и сами. На Јутјуб и на Твитер под хаштагот „maskeauf“ многумина демонстрираат колку е едноставно да се изработи маска. Меѓу нив е и професионалната шивачка од Државниот театар Котбус, Керстин Бохов. Маските кои ги изработува оваа костимографка се наменети за пожарникарската служба и за Црвениот крст во Германија.
-
Од Азија кон Европа: Походот на заштитните маски против коронавирус
Плетени маски
Уметничката Манша Фридрих плете маски за заштита од коронавирус. Нејзините маски се украсени со мотиви на насмеани лица, животни, сонце. Внатрешната страна на маските може да се менува. Уметничката од Хановер не дозволува корона-кризата да ѝ го расипе расположението.
-
Од Азија кон Европа: Походот на заштитните маски против коронавирус
Во тон
Чешка и Словачка се отидени чекор понапред, таму уште на средината на март е воведена обврска за носење заштитни маски. Оној кој влегува во супермаркет или градски превоз, мора да носи маска. Словачката претседателка Зузана Чапутова и премиерот Игор Матович предничат со добар пример. И Австрија во меѓувреме воведе обврска за носење маски во супермаркет.
-
Од Азија кон Европа: Походот на заштитните маски против коронавирус
Будење на пролетта во Кина
Во Кина заштитните маски одамна се задолжителни за граѓаните. Оваа двојка, без оглед на кризата со коронавирус и ригидните контроли, не сака да се откаже од романтика. Двајцата занесено танцуваат на пролетното сонце и сигурно забораваат на сите останати околу себе.
-
Од Азија кон Европа: Походот на заштитните маски против коронавирус
Израел не дозволува исклучоци
И во Израел во сила се драстични ограничувања на движењето, кои ги воведе премиерот Бенјамин Нетанјаху, а се контролирани од полицијата и од војската. Кон нив мора да се придржуваат и ортодоксните Евреи. Во квартот Меа Шерим во Ерусалим, еден вооружен полицаец му наложува на својот ултраортодоксен сограѓанин да се прибере дома.
-
Од Азија кон Европа: Походот на заштитните маски против коронавирус
Уметност во Појасот Газа
Во густо населениот Појас Газа, уметниците се обидуваат да ги мотивираат граѓаните. Во квартот Шујаија, тие украсуваат заштитни маски со различни мотиви. Владата во Појасот Газа воведе ограничување за движењето на населението и забрана за одржување на сите манифестации. И т.н. „Марш на враќањето“, кој секоја година преку масовни протести се одржува на границата кон Израел, годинава е откажан.
-
Од Азија кон Европа: Походот на заштитните маски против коронавирус
Колумбиски „силници“
Во Колумбија на маските доминираат драстични и впечатливи мотиви. Вилиците на маските на двајцата полицајци се чини се инспирирани од колосот Хулк. Хулк е главната фигура во стрипот на Стен Ли и Џек Кирби, објавен во 1962 година. Приказната за неверојатниот Хулк е адаптирана во бројни филмови и серии.
-
Од Азија кон Европа: Походот на заштитните маски против коронавирус
Макрон ќе се справува со недостигот од маски
Францускиот претседател посети фабрика за производство на заштитна облека и маски во Сент-Бартоломи д‘Анжу. Стотици лекари ја критикуваат владата што не набави доволни количини заштитна облека во време на епидемијата на коронавирус, но многумина од нив сепак работат, дури и без заштита. Емануел Макрон планира потребата од заштитна опрема да ја покрие со домашно производство до крајот на годинава.
Автор: Астрид Пранге, Сердар Фардар
Евакуацијата на загрозените дополнително се компликува поради стравот од коронавирусот и воведените мерки.
Пред две години, обилните дождови во западна Јапонија предизвикаа одрони и поплави во кои починаа над 220 луѓе. Околу 4.300 луѓе од овие погодени подрачја и натаму живеат во привремено сместување.
-
Природните катастрофи видени од вселената
Ѕверот се разбуди
Без разлика колку долго „спијат“, вулканите секогаш се во лошо расположение кога ќе се разбудат. Меѓународната вселенска станица го снимаше регионот на Курилските острови во Русија, кога еруптираше вулканот Саричев во 2009 година. Дупката меѓу облаците овозможи да биде направена оваа фотографија. Не постои природен феномен кој не може да се набљудува од вселената.
-
Природните катастрофи видени од вселената
Остана само пустина
Секојдневното набљудување на Земјата од вселената овозможува да се следат и климатските промени. Фотографиите (од лево кон десно) снимени во април 2014, јули 2015 и јануари 2016 нудат јасна слика на постепеното исчезнување на езерото Попо, некогаш второто најголемо езеро во Боливија, делумно и како резултат на климатските промени.
-
Природните катастрофи видени од вселената
Не си играјте со оган
Секоја година, пожарите ги уништуваат природата и животната средина во многу земји во светот. Пречесто, тие се предизвикани од човекот. Таков беше случајот и со Индонезија, каде фармерите ги палат дождовните шуми за да обезбедат плодна почва. На Борнео и Суматра сателитите открија големи пожари во септември 2015, а облакот од сив чад предизвика и големо загадување на воздухот.
-
Природните катастрофи видени од вселената
Големата поплава
Во Германија, родителите ги плашат децата дека доколку не јадат - ќе врне. И навистина, во 2013 врнеше толку многу што најголемите реки во централна Европа се излеаја од своите корита. Како што се гледа од оваа фотографија од 2013, Елба се излеа од коритото по големите дождови. Заматените води го прекриваат регионот околу Витенберг во покраината Саксонија Анхалт.
-
Природните катастрофи видени од вселената
Во окото на ураганот
Силните бури можат да предизвикаат огромни штети. Информациите од вселената овозможуваат прецизно да се следат тие бури: нивната јачина, правецот, брзината... Во регионот на источниот Пацифик, во близина на Мексико, сателитските снимки го утврдија точното движење на тропската бура Сандра која се движеше со 160 километри на час во ноември 2015 година.
-
Природните катастрофи видени од вселената
Топење на глечерите
Сателитите играат клучна улога во следењето на климатските промени и процесот на топење на ледената обвивка. Од вселената, научниците успеаја да го документираат топењето на повеќе глечери, како и зголемувањето на морското ниво. Оваа фотографија, снимена од Меѓународната вселенска станица, го покажува повлекувањето на глечерот Упсала во аргентинска Патагонија од 2002 до 2013 година.
-
Природните катастрофи видени од вселената
Запрете со дишење!
Во септември 2015 сателитите ја снимија оваа импресивна фотографија од Блискиот Исток обвиткан од песочна бура, т.н. хабуб, која погоди повеќе населени региони. Она што сателитите го забележуваат во вселената потоа се пренесува на сензорите кои го мерат квалитетот на воздухот на земјата, а тоа ги подобрува и метереолошките прогнози.
-
Природните катастрофи видени од вселената
„Голата планина“
Со овие зборови НАСА го објасни недостатокот на снег на планината Шаста во Калифорнија, основен извор на вода за целиот регион. Фотографиите кои ја документираат сушата од изминатите години постојано покажуваат кафеави планини кои всушност треба да бидат бели од снег. Паралелно со топењето на мразот, се проширува сушата.
Автор: И. Банос Руиз / Б. Георгиевски
