„Штедливиот“ Шојбле заминува од министерството за финансии | Економија | DW | 27.09.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Економија

„Штедливиот“ Шојбле заминува од министерството за финансии

Во новата влада на канцеларката Ангела Меркел ќе нема место за долгогодишниот министер за финансии Волфганг Шојбле кој се залагаше за остри мерки на штедење. Шојбле ќе биде кандидиран за спикер на парламентот

Досегашниот германски министер за финансии Волфганг Шојбле ќе биде нов претседател на Бундестагот, брифираат извори од сестринските конзервативни партии ЦДУ-ЦСУ. Демохристијаните доживеаја еден од најлошите резултати во својата историја на последните парламентарни избори, иако останаа најсилна фракција во парламентот.

Според извори на најтиражниот германски весник Билд, канцеларката Меркел му понудила на Шојбле, кој долги години е во самиот врв на партијата и на политичкиот живот во Германија, да ја преземе функцијата спикер на парламентот, а тој таквата понуда ја прифатил.
Функцијата веројатно ќе им припадне на Либералите, кои инсистираат на ова место во замена за поддршка на владата. Преговорите за формирање на новата влада, официјално, сѐ уште не се започнати. Покрај Либералите, на Меркел ќе и биде потребна поддршка и од партијата на Зелените за да обезбеди мнозинство во новиот парламент. Социјалдемократите, по катастрофалниот изборен резултат, најавија дека одат во опозиција, откако четири години и беа коалициски партнери на партијата на Меркел во владата.

Шојбле и стана познат на европската и светска јавност по острите мерки на штедење кои и ги наметна на Грција во периодот на длабоката економска и финансиска криза во оваа земја. Во домашната политика беше познат како „штедлив“ министер кој се гордееше со намалувањето на дефицитот и со буџетската дисциплина.

DW.COM

Поврзана содржина

Реклама