Штајнмајер: Ќе правиме напори за смирување на состојбата во Македонија | Северна Македонија | DW | 20.06.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Штајнмајер: Ќе правиме напори за смирување на состојбата во Македонија

Германскиот министер за надворешни работи Франк-Валтер Штајнмајер е загрижен поради состојбата во Македонија.

Шефот на германската дипломатија Франк-Валтер Штајнмајер денеска, пред почетокот на средбата на министрите за надворешни работи на ЕУ во Луксембург, изјави дека со своите колеги ќе дискутира за состојбата во Македонија, која е загрижувачка:

„Состојбата во Македонија е загрижувачка. За тоа ќе дискутираме денеска. Се успеа во одлагање на најавениот термин за избори, но внатрешнополитичките судири во Македонија траат и натаму и ние и натаму, во рамките на нашите можности, европските можности, ќе мора да правиме напори за придонес за смирување на состојбата и за, колку што е можно, во Македонија да има фер предуслови за избори, кои би се одржале во термин кој би требало допрва да се договори“, изјави Штајнмајер во Луксембург.

Еве ја изјавата на Штајнмајер во оригинал:

Македонија е една од темите на денешната средба на шефовите на дипломатии на ЕУ. Попладнево се очекува за средбата на прес-конференција повеќе детали да даде Високиот претставник на ЕУ за надворешна и безбедносна политика Федерика Могерини.

Реклама