Шпигел: Катица Јанева- од симбол на правда до вмешана во „Рекет“ | Северна Македонија | DW | 20.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Шпигел: Катица Јанева- од симбол на правда до вмешана во „Рекет“

Магазинот Шпигел пишува дека аферата „Рекет“ жестоко ја потресува Северна Македонија. Во центарот на скандалот е специјалната обвинителка Катица Јанева која некогаш важеше за непоткуплива.

„Таа важеше за непоткуплива. Нејзината институција беше симбол за поголемо владеење на правото во земјата“. Вака Шпигел го почнува текстот во кој пишува за аферата „Рекет“ и нејзиниот ефект врз државата.
„Аферата Рекет во Северна Македонија го предизвика најголемиот политички земјотрес последнава година. Јанева наводно е вмешана во обидот да се ослободи еден олигарх во замена за милиони евра. Многу работи се уште се нејасни, но јавноста е длабоко разочарана. (...) Затоа што СЈО беше еден од симболите на 'Шарената револуција' од 2016 година, со која беше урнат националистичко-авторитарниот и мафијашки режим на екс-премиерот Никола Груевски. (...) Најголемиот дел од демонстрациите започнуваа токму од пред седиштето на СЈО во Скопје. Многумина носеа маички на кои беа стилизирани Јанева, Фатиме Фетати и Ленче Ристоска. Овој херојски мит, во меѓувреме, се распрсна“, пишува Шпигел.

Понатаму весникот го опишува случајот „Рекет“ и инволвираноста на Бојан Јовановски, Зоран Милевски и Јордан Камчев.
„Камчев поседува конгломерат од фирми во областа на финансиите, медиуми, енергетиката. Тој важи за еден од најбогатите Македонци и истовремено за персонификација на корупција и организиран криминал во земјата. За време на владеењето на Груевски, тој добиваше државни проекти вредни милиони. Еден од неговите главни партнери беше поранешниот шеф на тајната служба Сашо Мијалков- мастермајндот на режимот на Груевски.“

„(...) Како доказ за рекетот се користат видео и аудио снимки кои Камчев самиот ги снимил. Тие пак нејасно  беа објавени во десно-националистичкиот италијански весник Ла Верита, близок до Салвини, од кои причини- останува нејасно.“

„(...) Социјалдемократската реформска влада неодлучно реагираше на аферата. Премиерот Зоран Заев остава впечаток како и тој самиот нешто да прикрива“, пишува Шпигел, цитирајќи ја и „славната“ изјава на Заев дека нема да дозволи „владата да ја урнат неколку криминалци, еден суетен новинар и еден педер“. 

„Аферата ја потресе Северна Македонија во една деликатна ситуација. Поради бавните правосудни реформи дома расте незадоволство кон владата на Заев. Надворешно-политички земјата е под притисок затоа што почетокот на преговорите со ЕУ беше одложен во јуни, меѓудругото и поради заддршките во Франција, Холандија и Германија за недостатокот на напредок во борбата против корупцијата и судските реформи. Аферата Рекет сега како да ги потврдува тие задршки“, заклучува Шпигел.

 

DW.COM

Реклама