Црвенковски: не прифаќам помилување од Иванов | Северна Македонија | DW | 13.04.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Црвенковски: не прифаќам помилување од Иванов

Поранешниот македонски претседател Бранко Црвенковски му упати писмо на актуелниот претседател Иванов во кое бара бришење од списокот на помилувани, затоа што против него „не се води никаква постапка“.

Поранешниот претседател Бранко Црвенковски во јавно писмо му порача на актуелниот претседател Ѓорге Иванов дека донел „антидемократска, антиправна и антидржавна одлука“.

„Одлука која по својата содржина, но уште повеќе и по својата намера е срамна и спротивна на здравиот разум. Иако од ваша страна не може ништо да ме изненади, сепак бев вчудоневиден кога таму го видов и моето име и презиме“, наведува Црвенковски.

„Ниту има било каква основа за такво нешто (против мене не се води било каква постапка), но што е уште поважно, ниту од вас ниту од било кој друг, ниту барам ниту прифаќам било какво помилување. Од тука ве повикувам под итно да ја измените одлуката и да го избришете моето име и презиме од неа. Со вас и со тие зад вас, да зависеа работите од мене, ниту нешто ќе се преговараше ниту нешто од вас ќе се очекуваше. Одамна ќе се видевме на различни страни од барикадите на клучната средба на нашиот народ со својата судбина. Се надевам дека и сите останати чии имиња се споменати во оваа ваша скандалозна одлука со индигнација ќе ја одбијат оваа ваша 'милост' и ќе покажат барем трошка морал и достоинство.“

Инаку, и лидерот на СДСМ Зоран Заев вчера на прес-конференција изјави дека не сака да биде аболициран или помилуван: „Ниту барав, ниту прифаќам амнестија. Не сме сите исти и не сме сите криминалци! Јас сум невин и својата невиност сакам да ја докажам на суд, низ соодветна процедура“, рече Заев.

Реклама