Хитлеровиот телефон продаден на аукција | Панорама | DW | 20.02.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Хитлеровиот телефон продаден на аукција

Црвениот телефон на Адолф Хитлер, пронајден по крајот на војната во бункерот на „фирерот“ во Берлин, е продаден во САД за 243.000 долари.

Продажната цена на телефонот на Хитлер одговара на очекувањата на Аукциската куќа за историски аукции Александер, нејзините експерти вредноста на апаратот ја проценија меѓу 200.000 и 300.000 долари. Купувачот на телефонот останува анонимен, на аукцијата одржана вчера во американската сојузна држава Мериленд, заинтересираните можеа да наддаваат телефонски од цел свет.

Преку црвено обоениот телефон, Хитлер во последните воени години издал најголем дел од своите наредби. На апаратот, производство од Сименс, се гравирани неговото име и кукаст крст со орел.

Гледај видео 00:34

Продаден „мобилниот“ телефон од Хитлер

Аукциската куќа наведе дека Хитлер телефонот го носел насекаде со себе, користејќи го во својот автомобил, возовите, неговите штабови, а од него не се одделил ни во своите последни очајнички денови пред крахот на нацистичкиот режим.

По Хитлеровото самоубиство и падот на Третиот рајх, апаратот бил најден во бункерот на „фирерот“. Руските офицери му го подариле на британски војник, по чија смрт го наследил неговиот син.

Аукциската куќа го нарече телефонот „можеби најразорувачко 'оружје' на сите времиња“, зашто преку него Хитлер издал наредби за убивање на милиони луѓе.

 

 

Аудио и видео прилози на оваа тема

Реклама