Хаг утре ќе го добие последниот бегалец | Балкан | DW | 21.07.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Хаг утре ќе го добие последниот бегалец

Поранешниот лидер на хрватските Срби, Горан Хаџиќ утре (22.07.11) најверојатно ќе му биде екстрадиран на Трибуналот во Хаг.

Хаџиќ беше уапсен во средата на Фрушка Гора

Хаџиќ беше уапсен во средата на Фрушка Гора

Горан Хаџиќ ќе му биде израчен на Хашкиот трибунал в петок, најави неговиот адвокат Тома Фила. Последниот хашки бегалец од Србија, кој беше уапсен вчера, е обвинет за воени злосторства извршени за време на војната во Хрватска. Фила рече дека Хаџиќ се откажал од жалбата за неговата екстрадиција.

Српските власти велат дека нема да го соопштат датумот кога Хаџиќ ќе биде екстрадиран од безбедносни причини. Неговата екстрадицијата треба да ја потпише министерот за правда.

Главниот обвинител на Хашкиот трибунал, Серж Брамерц ги поздрави денеска апсењата на Хаџиќ и претходно на Ратко Младиќ, но рече дека треба да се открие како успеале да се кријат толку долго време и кој им помагал во тоа.

Во Трибуналот за воени злосторства извршени на подрачјето на поранешна Југославија во Хаг, во изминатите 18 години од неговото формирање, биле обвинети и процесуирани вкупно 161 лице. Хаџиќ беше последниот кој се бараше за да одговара за наводите за воени злосторства.

Автор: БГ/бета

Редактор: Александра Трајковска